Një sinjalizues ka dërguar fotografi nga qendra e qytetit të Ferizajt, ku shihen kafenetë e mbushura me njerëz. Pa maska, pa dorëza dhe duke mos e respektuar distancën sociale, qytetarët janë ulur nëpër tavolina sikurse para pandemisë. Anipse një gjë e tillë nuk lejohet, të shtunën në Ferizaj nuk janë respektuar masat për parandalimin e përhapjes së koronavirusit.

Ditëve të fundit, pamje si këto nuk kanë munguar as nga qendrat e qyteteve të tjera, ku më pas është dashur të intervenojnë inspektorët.

IKSHPK vazhdimisht alarmon se virusi vdekjeprurës me origjinë nga Kina nuk ka kaluar ende, prandaj u kërkohet qytetarëve të vazhdojnë të mbajnë distancën sociale dhe t’i repsktojnë masat për parandalimin e Covid-19./ Gazeta Sinjali/