Nga 15 korriku Norvegjia do t’i hapë kufijtë me mbi 20 vende të Europës, përfshirë disa destinacione të njohura pushimesh, njoftoi sot qeveria.

“Belgjika, Britania e Madhe, Franca Gjermania, Greqia, Italia dhe Spanja janë ndër vendet që do të lejohen për udhëtime turistike, pa ndonjë kërkesë karantinimi pas kthimit në Norvegji”, tha qeveria.

“Gjithashtu, nga karantinimi janë përjashtuar tre rajone jugore në Suedinë fqinje”, shtoi ajo, duke përmendur nivele të përmirësuara në numrin e rasteve të infektimeve me COVID-19, raporton ATSh.

Udhëtarët që kthehen nga vendet e tjera, përfshirë Bullgarinë, Kroacinë, Hungarinë, Luksemburgun, Portugalinë, Rumaninë dhe pjesën më të madhe të Suedisë do t’u kërkohet të karantinohen./Gazeta Sinjali/