Aktorja Anne Heche ka qenë nën ndikimin e kokainës, por jo të alkoolit, kur pësoi një aksident në të cilin është plagosur rëndë, kanë treguar analizat fillestare.
TMZ, duke cituar burime nga Departamenti i Policisë së Los Angeles, raporton se një mostër gjaku është marrë sapo aktorja u plagos rëndë.
Raportohet se gjendja e aktores nuk është përmirësuar aspak që nga dita e aksidentit. Ajo ndodhet në gjendje kritike për jetën.
Aksidenti ka ndodhur të premten e kaluar. Heche po ngiste një MINI Clubman me një shpejtësi të madhe kur u përplas me një banesë.
Përplasja shkaktoi një zjarr që e la aktoren me djegie të rënda. “Ajo do të jetë në koma për një kohë të gjatë”, tha një burim për Daily Mail.