Nënkryetarja e Kuvendit të Republikës së Kosovës, nga radhët e Lëvizjes Vetëvendosje, Arbërie Nagavci, ka reaguar lidhur me shembjen e godinës së Teatrit Kombëtar në Tiranë, të cilën e ka krahasuar me rrëzimin e Qeverisë Kurti.

Sipas saj, teatri në Shqipëri dhe në Kosovë Qeveria Kurti, u rrëzuan në kohë pandemie globale dhe kundër vullnetit të qytetarëve, shkruan Gazeta Sinjali.

 “Në Tiranë rrëzuan godinën e vjetër të Teatrit Kombëtar, në Kosovë rrëzuan Qeverinë e re të Albin Kurtit, të dyja në kohë pandemie globale, të dyja kundër vullnetit të qytetarëve. Për të mirën e shqiptarëve do duhej të binte e vjetra në mendësi, në sjellje e qëllime të këqia. Tek ne po ndodh e kundërta, por rrëzohet e reja progresive e po shembet kujtesa historike”, ka shkruar Nagavci në profilin e saj në Facebook. /Gazeta Sinjali/