Kryeministri i Kosovës, Avdullah Hoti ka reaguar pas shkyçjes së rrymës në dy lagje të kryeqytetit, shkruan Gazeta Sinjali.
Kreu i ekzekutivit ka shkruar në Facebook se ekipet nga KOSTT-i dhe KEDS-i janë duke punuar për të rregulluar prishjen në rrjet dhe se shumë shpejt do të evitohet kjo prishje.
“Ekipet nga KOSTT-i dhe KEDS-i jane duke punuar për të rregulluar prishjen në rrjet, që ka shkaktuar mungesën e energjisë në një pjesë të Prishtinës dhe më gjerë.
Sipas drejtorit të KOSTT-it dhe drejtorit të KEDS, të cilët janë në teren, shpejt do të evitohet kjo prishje dhe do të normalizohet furnizimi me energji”, ka shkruar Hoti.