Qeveria në detyrë, e udhëhequr nga kryeministri Albin Kurti nga Lëvizja Vetëvendosje ka emëruar kandidatët për deputetët e anëtarë të kësaj partie në krye të bordeve të ndërmarrjeve publike si Posta e Kosovës, Hekurudha e Kosovës – Infrakos dhe Kompania Rajonale “KRU Prishtina”.
Lidhur me këto emërime, përmes një postimi në faqen zyrtare në Facebook, ka reaguar kryetari i PSD-së, Dardan Molliqaj, i cili thotë se diskursi populist i Kurtit nuk qon në rezultate më ndryshe se këto që po i shohim.
Sipas tij, mendësia e Kurtit është e rrezikshme, ndërsa shkelja e Kushtetutës dhe kapja e bordeve janë vetëm fillimi.
“Kjo mendësi është e rrezikshme. Rrezikshmëria e saj po dëshmohet çdo ditë. Shkelja e Kushtetutës dhe kapja e bordeve janë vetëm fillimi. Demokracia duhet të mbrohet me çdo kusht, kundër populizmit e kundër kapjes së shtetit e shndërrimit të tij në parti-shtet”, ka shkruar ai./GazetaSinjali/