Klinika e Pulomologjisë në Qendrën Klinike Universitare të Kosovës ka dal me një njoftim për kryerjen e një intervenimi të suksesshëm, raporton Gazeta Sinjali.
Ekipi i Kabinetit të Bronkoskopisë i ka larguar pacientit një trup të huaj, i cili i kishte shkaktuar pneumoni të rëndë, si pasojë e pengesës në bronk.
SHKUK njofton se pacienti mashkull, me inicialet M.H., i lindur në vitin 1938, tash është në gjendje të mirë shëndetësore, nën përcjelljen e vazhdueshme të mjekëve, ndërsa pritet të lirohet për në shtëpi brenda javës.