COVID-19

Të infektuar

1123

Të shëruar

847

Të vdekur

30

Ekonomi/ Ministria e Infrastrukturës do të investojë 1.1 milion euro në Prishtinë

news image

Ministri në detyrë i Infrastrukturës dhe Ambientit, Lumir Abdixhiku ka nënshkruar memorandum bashkëpunimi për projektet infrastrukturor gjatë vitit 2020 dhe 2021 në vlerë prej 1 milionë e gjysmë euro, me kryetarin e Komunës së Prishtinës, Shpend Ahmeti.

Abdixhiku njoftoi se do të investohet në urën e mbikalimit në hyrje të Prishtinës si dhe në kyçjen e rrethrrotullimit në Veternik. Po ashtu u nënshkruan projekte edhe për gjelbërimin e kryeqytetit.

“Kemi në shkruar një memorandum bashkëpunimi për i investime në hyrje të Prishtinës. Në ndërtimin e urës mbikalim në hyrje të Prishtinës dhe në gjelbërim si dhe në kyçjes e rrethrrotullimit në Veternik. Këto projekte janë të paraparë për vitet 2020-2021. Kemi biseduar edhe për projekte tjera siç edh të edhe pjesa e hekurudhës. Grupi punues do të filloj punën nëse nuk kemi telashe gjatë këtij vitin do të jetë i përfunduar. Vlera e projekteve është 1 milionë e gjysmë”, deklaroi ministri Abdixhiku.

Kryetari i Komunës së Prishtinës, Shpend Ahmeti, deklaroi se në rrugën në Veternik kanë pasur telashe si shkak i shembjes së dheut, por do të përfundoj në një periudhë 40 ditore, raporton EO.

Ahmeti theksoi se shumë shpejt do të bëjë zgjidhjen edhe për lidhjen e rrethit të Fushë-Kosovës me lagjen “Arbëria”.

“Rruga e Veternikut që lidhet me Mitrovicën menaxhohet nga ministria e Infrastrukturës, kemi pasur telashe në shembjen e dheut. Do të jetë një periudhë 40 ditore për përfundimin e projektit. Shumë shpejt do ta kemi zgjedhjen e ofruar nga ministria edhe me lidhjen e rrethit të Fushë-Kosovës me Arbërinë. Këto projekte do të përmirësojnë jetën infrastrukturore”./GazetaSinjali/


Shpërndaje artikullin