image Ministri Çeku: Puna e aktorit Rasim Thaçi – Cima do të dokumentohet - Sinjali

COVID-19

Të infektuar

107629

Të shëruar

105200

Të vdekur

2250

Ministri Çeku: Puna e aktorit Rasim Thaçi – Cima do të dokumentohet

news image

Ministri i Kulturës, Rinisë dhe Sportit, Hajrulla Çeku, së bashku me një pjesë të stafit të MKRS-së dhe me drejtuesit e institucioneve shtetërore të kulturës, kanë bërë sot (e diel) homazhe në nderim të artistit Rasim Thaçi-Cima.

Ai ka lartësuar figurën e humoristit të njohur, ku mes tjerash është shprehur se do të dokumentohet puna e tij.

“Ishim këtu për të vazhduar me nderimet për Rasim Thaçin – Cimën. Sot jam së bashku me drejtorët e Ministrisë së Kulturës dhe me udhëheqësit e institucioneve shtetërore të kulturës. Bëmë nderimet e merituara të figurës së Rasim Thaçit, një nga artistët më të dashur të popullit të Kosovës. Ai një kohë ka qenë edhe sportist, por përherë ka qenë artist dhe një artist që mbase është dalluar edhe me lëvizjet e tij skenike por edhe me mesazhin të cilin në kohëra të vështira ishte mesazh edhe politik dhe ky mesazh jepej në situata kur nuk ishte lehtë bëhej ky lloj aktivizmi, kjo lloj rezistence politike përmes artit dhe përmes humorit”, ka thënë Çeku.

“Ne si Ministri e Kulturës dhe institucione shtetërore përveç nderimeve që po i bëjmë ta kryejmë edhe pjesën tjetër që na takon dhe ajo lidhet me dokumentimin e punës së tij të artit të tij në mënyrë që gjithmonë ta kemi në kujtesën tonë dhe në të njëjtën kohë që ajo t’i shërbejë gjeneratave të ardhshme, jo vetëm artistëve por edhe të tjerëve për të kuptuar të kaluarën e popullit tonë por edhe për tu frymëzuar me artin e Rasim Thaçit”, ka thënë mes tjerash Çeku.

Për karrierën e bujshme të Cimës ka folur edhe ushtruesi i detyrës së drejtorit të Teatrit Kombëtar, Naser Shatrolli.

Jemi para Teatrit Kombëtar për të nderuar punën e tij, pozitivizmin e tij i cili me humorin e tij i ka dhëne kuptim jetik jetës tonë me veprat dhe humorin e tyre, që na kanë dhënë shpresë me veprat e tyre, ka ngelë dhe do ngelet ikonë e humorit shqiptar”, tha Shatrolli./Gazeta Sinjali/


Shpërndaje artikullin