image Mehaj: Raportimet se FSK po përgatitet të hyjë në Veri janë të pavërteta

Siguri

Mehaj: Raportimet se FSK po përgatitet të hyjë në Veri janë të pavërteta

news image

Pas raportimeve se Forcat e Sigurisë së Kosovës po përgatiten për të ndërhyrë në veriun e Kosovës, ka reaguar ministri i Mbrojtjes, Armend Mehaj, shkruan Gazeta Sinjali.

Ai ka shkruar se lajmet se kinse FSK-ja është duke përgatitur trupa ushtarake për ndërhyrje në Veriun e Kosovës, janë plotësisht të pavërteta.

Sipas Mehajt këto raportime kanë për qëllim dezinformimin e opinionit, për të paraqitur një situatë pasigurie për qytetarët e komunitetit serb.

“Dezinformatat  se, kinse FSK është duke përgatitur trupa ushtarake për ndërhyrje në Veriun e Kosovës, janë plotësisht të pavërteta, dhe kanë për qëllim dezinformimin e opinionit, për të paraqitur një situatë pasigurie për qytetarët tanë të komunitetit serb”, ka shkruar ai në Facebook.

Postimi i plotë

NJOFTIM

Prishtinë, 24.09.2021

Ministria e Mbrojtjes, me qëllim të informimit të drejtë të opinionit publik, përmes këtij njoftimi zyrtar, reagon ndaj të gjitha lajmeve të rrejshme, propagandës qëllimkeqe, dezinformatave dhe shkrimeve tendencioze dhe të pavërteta, të shpërndara në mesin e qytetarëve tanë në pjesën veriore të Kosovës, disa nga to edhe të publikuar në mediume.

Dezinformatat  se, kinse FSK është duke përgatitur trupa ushtarake për ndërhyrje në Veriun e Kosovës, janë plotësisht të pavërteta, dhe kanë për qëllim dezinformimin e opinionit, për të paraqitur një situatë pasigurie për qytetarët tanë të komunitetit serb.

Ju rikujtojmë se, Ministria e Mbrojtjes me FSK-në, është  institucion shtetëror që realizon detyrat dhe kompetencat e saj në përputhje me dispozitat e Kushtetutës së Republikës së Kosovës dhe ligjeve në fuqi si dhe në koordinim të plotë me autoritetet tjera shtetërore dhe KFOR-in.

FSK, është organizatë profesionale dhe multietnike, e  formuar, ndërtuar dhe zhvilluar në bashkëveprim, koordinim dhe mbështetje të plotë të NATO-s, SHBA-së dhe partnerëve tjerë anëtarë dhe partnerë të NATO-s.

/Gazeta Sinjali/