Mediumi i njohur spanjoll “AS” ka lëshuar një lajm bombastik përmes të cilit pretendon se presidenti i Barcelonës Joao Laporta ka nisur planifikimet për ta sjellë në “Camp Nou” sulmuesin e Juventusit Cristiano Ronaldo, përcjell Sinjali Sport.

Me yllin argjentinas Lionel Messi i cili është shumë afër vazhdimit të kontratës, Laporta dëshiron t’iu bëjë një tjetër dhuratë të madhe tifozëve të klubit duke e bërë Ronaldon partnerin Messit në sulm.

Gjithnjë sipas “AS”, një propozim konkret ende nuk i është bërë agjentit të Ronaldos Jorge Mendez, por ideja e Laportas është që Juventusit t’i ofrohen dy lojtarë duke përfshirë mesfushorin Philippe Coutinho dhe sulmuesin Antoine Griezmann.

Një marrëveshje potenciale mund të arrihej vetëm nëse Juventusi do të pranonte kompensime teknike sepse Barcelona është në një pozitë jo të mirë financiare dhe ofrimet e deritanishme si Aguero, Depay e Garcia kanë ardhur si lojtarë me kosto zero për shkak se kishin mbetur pa kontrate me klubet e tyre përkatëse. /Gazeta Sinjali Sporti/