Njësitet antikontrabandë të Doganës së Kosovës të mërkurën mbrëma kanë kryer një operacion në pikë kalimin kufitar në Vërmicë, ku kanë ndalur një autobus të linjës Prishtinë – Tiranë, nën dyshimet për bartjen e mallrave të padeklaruara, raporton Gazeta Sinjali.
“Kontrolli ka arritur të zbulonte mallrat e fshehura të cilat tentoni të kontrabandohen përmes autobusit dhe me këtë rast janë gjetur mallra të padeklaruar, respektivisht medikamente si në vijim: Injeksione REVOLAX DEEP ëith LIDOCAINE – 60 copë, REVOLAX SUB-Q LIDOCAINE – 60 copë, REVOLAX FINE LIDOCAINE – 5 copë, Tableta Desinfektues të Klorit “Diversy Suma” 1×300 – 16 pako dhe xhama me dioptri të ndryshëm”, thuhet në njoftimin e doganës.
Ndryshe, ekziston një lloj i fillerëve dermalë REVOLAX që përdoren për injektim në buzë dhe fytyrë, i cili nuk është i lejuar në Evropë, pasi që nuk e ka cilësinë dhe sigurinë e duhur për vënien në treg.