image Çfarë duhet të dini nëse udhëtoni nga Zvicra në Kosovë

Evropë

Çfarë duhet të dini nëse udhëtoni nga Zvicra në Kosovë

news image

Pushimet verore, pra sezoni turistik në Zvicer ka filluar dhe është në kulmin e saj.

Shumë tashmë janë duke i shijuar këto pushime, diku jashtë vendit, ndërsa shumë të tjerë, po përgatiten të shkojnë.

 Por ethet e pushimeve vazhdojnë të jenë të trazuara nga hija e pandemisë, e cila ende po vazhdon të kërcënojë pushimet tona.

Në këtë atmosferë pasigurie, për të gjithë ata që mësyjnë vendet e huaja për të bërë pushimet, duhet të informohen me kohë për kriteret që zbatojnë këto vende në raport me pushuesit e huaj, pra edhe me zviceranët.

Për këtë arsye, gazeta 20minuten ka bërë sot një prezantim të gjerë të kushteve të cilat duhet t`i përmbushin ata që shkojnë nga Zvicra në disa nga vendet që janë tradicionalisht më të vizituarat nga zviceranët dhe banorët e Zvicrës, në përgjithësi, shkruan albinfo.ch.

Këtu hyjnë: Italia, Franca, Spanja, Portugalia, Gjermania, Greqia, Turqia, Kroacia, Shqipëria dhe Kosova.

Kosova

Udhëtarët që hyjnë nga Zvicra në Kosovë nuk kanë nevojë të tregojnë as test negativ dhe as certifikatë Covid me rastin e hyrjes. Megjithatë, kompanitë ajrore mund të kërkojnë testin negativ, kështu që duhet të merreni vesh paraprakisht me kompaninë ajrore.

Karantinë

Nuk ka detyrim për karantinë pas hyrjes në Zvicër nga Kosova.

Detyrimi për maskë

Në ambientet publike ekziston detyrimi për të mbajtur maskën mbrojtëse nëse nuk mund të sigurohet distanca prej një metër e gjysmë me njerëzit e tjerë.

Gastronomia

Për objektet hotelierike vazhdojnë të zbatohen kufizimet e kapaciteteve gjegjësisht duhet të respektohen distancat minimale. Jo më shumë se katër persona lejohen në një tavolinë në ambientet e brendshme. Koha e hapjes është e kufizuar në periudhën nga ora 5 e mëngjesit deri në 23 të natës

Pikat turistike

Të gjitha dyqanet qëndrojnë të hapura por me kufizime. Maska e gojës dhe hundës është e detyrueshme. Festimet private lejohen me një numër të kufizuar të pjesëmarrësve dhe më së voni deri në orën 23:00.

Transporti publik

Transporti publik lokal është i kufizuar. Lejohet përmbushja e maksimalisht 50 për qind të kapacitetit të pasagjerëve. Taksitë lejohen të transportojnë jo më shumë se 3 pasagjerë.

Kthimi në Zvicër

Nuk kërkohet asnjë test për udhëtimin e kthimit nga Kosova në Zvicër. Përjashtim: Kur mbërrini me aeroplan, nëse nuk jeni vaksinuar ose shëruar, duhet të tregoni një test negativ PCR (jo më të vjetër se 72 orë) ose një test të shpejtë antigjen negativ (jo më të vjetër se 48 orë). Po ashtu duhet të plotësoni një formular hyrjeje  para se të kaloni kufirin. /Gazeta Sinjali/