Pas një nate të vështirë ndaj Toronto Raptors, Anthony Davis ka shkëlqyer në përballjen ndaj Utah Jazz, për të ndihmuar LA Lakers që të shënojë fitore 116:108.
Me këtë triumf skuadra nga Los Angeles siguron play-offin për herë të parë pas vitit 2013 dhe vendin e parë për herë të 17-të në histori.
Davis realizoi 42 pikë, 12 kërcime dhe 4 asiste, ndërsa LeBron James shtoi 22 pikë, 8 kërcime dhe 9 asiste.
Te Utah Jazz më i dalluari ishte Mitchell me 33 pikë. Në përballjet e tjera, New Orleans mundi Memphisin me rezultat 109-99 dhe Philadelphia mundi San Antonion me rezultat 132-130.