Lideri i Lëvizjes Vetëvendosje, Albin Kurti ka qëndruar së fundi në Stuttgart të Gjermanisë.
Me këtë rast, Kurti tha se ka takuar bashkatdhetarë të shumtë të cilët i ka falënderuar që i janë përgjigjur ftesës së tij për të bashkëbiseduar mbi mundësinë e bashkëpunimit, bashkëveprimit, për zhvillimin e demokratizimit të Kosovës, për integrimin pa asimilim të shqiptarëve jashtë atdheut.
“Diskutimet ishin të frytshme, idetë e propozimet e shpalosura gjithsesi të vlefshme, sidomos tani që po përpilojmë programin dhe planin e Qeverisjes Alternative”, ka shkruar Kurti në Facebook.
