image Kurti flet në telefon me Presidentin e Shqipërisë, nuk përmendet hapja e kufijve

Kosovë

Politikë/ Kurti flet në telefon me Presidentin e Shqipërisë, nuk përmendet hapja e kufijve

news image

Kryeministri në detyrë i Republikës së Kosovës, Albin Kurti, sot zhvilloi një bisedë telefonike me Presidentin e Shqipërisë, Ilir Meta. 

Në fillim, ata diskutuan mbi situatën me COVID-19 në Kosovë dhe Shqipëri, veprimet që dy vendet kanë marrë në parandalimin e përhapjes dhe menaxhimin e infeksioneve të shkaktuara nga virusi Corona dhe bashkëpunimin që kanë pasur gjatë ballafaqimit me pandeminë.

Kryeminstri në detyrë Kurti e njoftoi Presidentin Meta për vendimet e fundit për lehtësimin e masave dhe rihapjen graduale të ekonomisë. 

Tutje, gjatë bisedës u diskutua për rëndësinë dhe nevojën për forcimin e marrëdhënieve bilaterale në mes dy vendeve në rrafshin tregtar dhe ekonomik, por edhe bashkëpunimin në nivel rajonal dhe ndërkombëtar me qëllim përfaqësimin, promovimin dhe mbrojtjen e interesave të përbashkëta. 

Në fund, të dy shprehën zotimin dhe gatishmërinë për të pasur komunikim të vazhdueshëm në shërbim të zhvillimit, forcimit dhe avancimit të bashkëpunimit në mes dy vendeve. /Gazeta Sinjali/