Pas miratimit të Pakos së Ringjalljes Ekonomike gjatë mbledhjes së sotme të Qeverisë, janë ndarë mbi 40 milionë euro ku në ditët në vijim qytetarët do të njoftohen nga Qeveria e Kosovës se si mund të përfitojnë nga kjo pako, raporton Gazeta Sinjali.
Gjatë kësaj mbledhje është miratuar gjithashtu edhe nisja e negociatave për Projektin e Reformimit të Sistemit të Ndihmës Sociale që pritet të financohet nga Banka Botërore me 47 milionë euro.
Ministri i Financave, Hekuran Murati përmes një postimi në Facebook ka bërë të ditur se Qeveria e Kosovës ka themeluar edhe ekipin për Kartonin e Gjelbër dhe shumë vendime tjera.
Postimi i Hekuran Muratit:
Në mbledhjen e sotme të Qeverisë kemi ndarë mbi 40 milionë euro në kuadër të masave nga Pako e Ringjalljes Ekonomike.
Poashtu, u miratua edhe nisja e negociatave per Projektin e Reformimit të Sistemit të Ndihmës Sociale, që pritet të financohet nga Banka Botërore me 47 milionë euro.
Themeluam edhe ekipin për Kartonin e Gjelbër. E shumë vendime tjera në të mirë të qytetarëve. Në ditët në vjim do të bëjmë edhe operacionalizimin e këtyre masave, dhe do të njoftojmë qytetarët se si mund të përfitojnë.
