Mungesa e parkingjeve në Prishtinë, është një arsye që çdo ditë, pothuajse në shumicën e rrugëve në qendër dhe më gjerë, të ketë vetura të parkuara në pjesë ku ndalohet një veprim i tillë, shkruan Gazeta Sinjali.
Në rrugën “Bulevardi Dëshmorët e Kombit” në Prishtinë, edhe sonte si çdo natë tjetër ka shumë vetura të ndalura të cilat pengojnë edhe në qarkullimin e trafikut.
Në këtë rrugë ka shumë barnatore dhe si duket të gjithë ata që kryejnë shërbime ndalen për “dy minuta” dhe mbesin më gjatë.
Një sinjalizues i Gazetës Sinjali ka dërguar pamje nga vendi i ngjarjes, të cilat mund t’i shihni edhe më poshtë, ku shihet se njëri shirit për qarkullim është i bllokuar.