Ministria e Shëndetësisë së Kosovës ka pranuar 40 pajisje oksigjeno-formuese, nga Qeveria e Luksemburgut dhe UNICEF-i.

Këtë e ka bërë të ditur ministri i Shëndetësisë, Armend Zemaj, i cili tha se pajisjet janë të dedikuara për kujdesin parësor shëndetësor dhe do të shpërndahen në të gjitha komunat e Kosovës.

“Ceremonia e pranimit të 40 pajisjeve oksigjeno-formuese, donacion ky nga Qeveria e Luksemburgut dhe UNICEF. Pajisjet janë të dedikuara për kujdesin parësor shëndetësor dhe do të shpërndahen në të gjitha komunat e Kosovës. Falënderoj Qeverinë e Luksemburgut, UNICEF-in dhe të gjithë partnerët e tjerë që po e ndihmojnë në vazhdimësi popullin e Kosovës në këtë sfidë globale”, ka shkruar Zemaj./Gazeta Sinjali/