Policia ka konfirmuar se aktorja, Naya Rivera u gjet në Liqenin Piru të hënën.

Rivera u zhduk të mërkurën pasdite gjatë një shëtitje me varkë me djalin e saj katër vjeçar Josey. Ai u gjet në gjumë me jelekun e tij të shpëtimit në pontonin e tyre por nuk kishte asnjë gjurmë të 33-vjeçares, raporton DailyMail.

“Ajo duhet të ketë pasur energji të mjaftueshme për ta rikthyer djalin e saj në varkë, por jo mesa duhet për të shpëtuar edhe veten”, tha sherifi i Qarkut të Venturas, Bill Ayub në një konferencë shtypi të hënën pasdite.

Ajo dhe djali i saj kishin zbritur nga varka dhe kishin shkuar për të notuar. Djali u tha hetuesve se nëna e tij e ndihmoi atë të kthehej në varkë por kur ai shikoi mbrapa, pa që ajo u zhduk në ujë, tha Eyub.

Më herët të hënën, Sherifi i Qarkut të Venturas njoftoi se një trup ishte tërhequr nga uji.

Sherifi tha që ndërsa një autopsi dhe një identifikim zyrtar janë në pritje, rrethanat nga vendndodhja e trupit deri në faktin se askush tjetër nuk është raportuar i zhdukur në liqen, e bën departamentin ‘të sigurt se trupi që gjetëm është Naya Rivera’.

Ai tha se nuk kishte asnjë tregues për lojën e gabuar dhe asnjë indikacion se kjo ishte një vetëvrasje. Sherifi Eyub konfirmoi që një jelek i shpëtimit për të rritur ishte gjetur në varkë dhe se trupi i gjetur nuk posedonte jelek shpëtimi të veshur. Ai nuk kishte detaje nëse Rivera ishte në gjendje të notonte.

Kapiteni Eric Buschow konfirmoi të hënën pasdite se ishte trupi i Riveras dhe se familja ishte informuar.

Familja e aktores nxituan për në liqen të hënën në mëngjes dhe disa prej kolegëve të saj nga seriali “Glee”, përfshirë Heather Morris, ishin gjithashtu atje.

Një oficer policie i Venturas tha për DailyMail se ishte pikëlluese dhe shkatërruese për ta të shikonin familjen në atë gjendje./Gazeta Sinjali/