Qeveria kineze po “korr dhe po shet” organe nga pakica të përndjekura fetare dhe etnike në një shkallë industriale, i është thënë Këshillit të OKB-së për të Drejta të Njeriut.

Duke folur në selinë e këshillit në Gjenevë të martën, avokati Hamid Sabi, prezantoi gjetjet e Tribunalit të Kinës, një gjykatë e pavarur mbi akuzat e marrjes së detyruar të organeve.

Sabi i tha këshillit se vendet anëtare të OKB-së kanë një “detyrim ligjor” të veprojnë pasi raporti përfundimtar i gjykatës në qershor zbuloi se “kryerja e krimeve kundër njerëzimit kundër falun gongut dhe ujgurëve [pakica] ishte provuar përtej dyshimit të arsyeshëm”.

Tribunali i Kinës u kryesua nga sir Geoffrey Nice QC, një prokuror në gjykatën kriminale ndërkombëtare për ish-Jugosllavinë që drejtoi çështjen kundër Slobodan Milosheviqit dhe dëgjoi prova nga hetuesit e të drejtave të njeriut, ekspertët mjekësorë dhe dëshmitarët.

Ai arriti në përfundimin se kishte prova të qarta se Kina kishte nxjerrë organe dhe duke vrarë kështu, anëtarët e grupit shpirtëror Falun Gong për të paktën 20 vjet dhe praktika ishte duke vazhduar edhe sot.

Të arrestuarit u “vranë… dhe u prenë ndërsa ishin ende gjallë duke ua marrë veshkat, mëlçitë, zemrat, mushkëritë, korneat dhe lëkurën e tyre për t’u hequr dhe shndërruar në mall për shitje”, thuhet në gjykimin përfundimtar të gjykatës.

Gjykata tha se kishte edhe prova të mundshme, megjithëse në më pak vëllim, të korrjes së detyruar të organeve në të arrestuarit nga pakica myslimane ujgure, tibetanët dhe disa sekte të krishtera.

Gjykata gjeti prova se ato ishin “duke u përdorur si një bankë organesh” dhe iu nënshtruan testimeve të rregullta mjekësore.

Industria e transplantit të organeve vlerësohet që gjeneron për Kinën më shumë se 1 miliard euro në vit, sipas gjykatës. Z. Geoffrey i bëri thirrje Shoqatës Ndërkombëtare të Transplantit dhe shoqatave kombëtare të mjekësisë që merren me operacionin e transplantimit për të “përballuar atë që zbulohet në gjykimin dhe veprimin e Tribunal të Kinës”.

Disa vende, përfshirë Italinë, Spanjën, Izraelin dhe Tajvanin, kanë tashmë kufizime për ata që kërkojnë të udhëtojnë në Kinë për operacionin e transplantit të organeve.