KH Prishtina ka njoftuar se gjatë këtij muaji do të mbajnë kuvendin zgjedhor, shkruan Sporti në Sinjali.
Kuvendi zgjedhor i klubit kryeqytetas do mbahet më 18 janar, aty ku do të zgjidhet kryesia dhe bordi i ri.
Njoftimi i plotë nga KH Prishtina:
“Me shumë kënaqësi ju njoftojmë se me vendim të kryetarit, Edi Kolgeci, me datën 18 Janar 2021 do të mbahet kuvendi i KH Prishtina ku do të zgjidhet kryesia/bordi i ri. Kuvendi do të mbahet në zyret e klubit në Pallatin e Rinisë dhe Sporteve në Prishtinë me fillim nga ora 16:00, duke respektuar të gjitha masat anticovid. Informatat e detajuara do të ju dërgohen të gjithë anëtarëve me kohë. Klubi jonë, fton të gjitha kompanitë dhe individët që e duan hendbollin dhe Prishtinën të na bashkangjiten në kauzën tonë.
Me datën 18 Janar 2021, KH Prishtina fillon me pregaditjet për sezonën 2021/2022 në ora 17:15 ku pjesëmarrës në ditën e parë do të jenë të gjitha grupmoshat e reja, dhe ekipa e parë.
Na priftë e mbara!”.
Ndryshe, KH Prishtina stinorin vjeshtor në Superligën e Kosovës në hendboll e ka mbyllur me 23 pikë në pozitën e dytë.