Manchester City dhe Manchester Unitedi do ta zhvillojnë derbin e javës në Ligën Premier.
Dy skuadrat nga Manchesteri do të përballen në Etihad Stadium në një sfidë që pritet të jetë e zjarrtë.
Kampioni në fuqi ndodhet në pozitën e dytë me 17 pikë dhe kërkon triumfin për t’iu afruar Arsenalit.
Kurse Unitedi ndodhet në pozitën e gjashtë me 12 pikë. Pas dy humbjeve radhazi në fillim të sezonit, skuadra e drejtuar nga Erik ten Hag hyri në seri të mirë, duke regjistruar katër fitore radhazi pastaj.
Skuadra e drejtuar nga Pep Guardiola ende është pa humbje këtë sezon, me bilanc prej 5 fitoreve e dy barazimeve.