Pas publikimit të aktgjykimit për rastin “Thesari”, prokurori Trajçe Pelivanov ka kërkuar që Sasho Mijallkovit t’i caktohet masa e paraburgimit, transmeton Gazeta Sinjali.
Prokurori shpjegoi se Mijallkov aktualisht është në paraburgim për rastin “Shënjestra-Fortesa”, masë e cila përfundon më 27 prill. Kjo është arsyeja pse ai kërkoi që Mijallkovit t’i hiqet paraburgimi për rastin e përgjimit masiv dhe t’i caktohet për rastin “Thesari”, shkruan zhurnal.mk
“Përmes Europolit janë konfirmuar të dhënat se i akuzuari ka leje qëndrimi dhe një adresë të regjistruar në Republikën e Çekisë. I akuzuari Mijallkov është gjithashtu një person i pozicionuar mirë dhe ai dhe anëtarët e familjes së tij kanë biznese private, gjë që mundëson një jetë të rehatshme në arrati”, tha prokurori Pelivanov. /Gazeta Sinjali/