Nga një aheng familjar në Bielefeld të Gjermanisë janë infektuar disa persona me koronavirus. Si pasojë e kësaj dhjetë shkolla është dashur të marrin masa kufizuese shtesë, ndërsa janë karantinuar rreth 900 persona, raporton “Bild”.

Shifra totale e të infektuarve të lidhur me këtë aheng familjar është aktualisht 36. Kjo është bërë e ditur nga qyteti i Bielefeldit. Janë detyruar të karantinohen nxënës në disa shkolla, e po ashtu edhe mësues.

Sipas një zëdhënëse, bëhej fjalë për një festë private. Është thënë se numri i rasteve pozitive mund të rritet edhe më tej. /Gazeta Sinjali/