Një person është shoqëruar në polici, pasi që gjatë kontrollit te i njëjti, policia ka gjetur një armë zjarri, raporton Gazeta Sinjali.

Lajmin për Gazetën Sinjali e ka konfirmuar zëdhënësja e policisë për rajonin e Prishtinës, Flora Ahmeti.

“Është shoqëruar një person në stacionin policor veriu në Prishtinë. Të njëjtit i është gjet një armë zjarri. Aktualisht personi është duke u intervistuar dhe i njëjti do të procedohet më tej në koordinim me prokurorin e shtetit“, tha Ahmeti.

Ajo po ashtu bëri të ditur se të dyshuarit i është sekuestruar arma e tipit Zoraki, si dhe disa fishekë.

“Ndaj tij me rekomandim të prokurorit është hapur rast për ‘Armëmbajtje pa leje”, tha zëdhënësja e policisë./Gazeta Sinjali/