Po shkon drejt përmirësimit të ndjeshëm situata e krijuar nga pandemia e koronavirusit në Itali.

Emergjencat Civile raportojnë se në 24 orët e fundit në shtetin fqinj kanë humbur betejën me Covid-19, 153 persona, shifra më e ulët kjo e regjistruar në dy muajt e fundit.

Përmirësim i u regjistrua dhe në Lombardi ku ditën e fundit pati vetëm 39 viktima.

Gjithashtu ulje të ndjeshme ka pësuar dhe numri i të infektuarve të rinj, i cili ditën e fundit u rrit me 875. Të shëruarit ishin sërish mbi 2000 persona./Gazeta Sinjali/