Sot në orët e hershme të mëngjesit Policia e Kosovës në Prizren i ka konfiskuar patent shoferin një vozitësi i cili kishte tejkaluar shpejtësinë e limituar, raporton Gazeta Sinjali.
Sipas informacioneve të para, kundërvajtësi ishte duke vozitur në shpejtësi 128 km/h në rrugën ku kufizimi i shpejtësisë ka qenë 50 km/h.
Policia përveç konfiskimit të patent shoferit i ka shqiptuar edhe gjobë prej 500 euro si dhe i ka dhënë 5 pikë negative.
Policia e Kosovës, tashmë po përdor pajisjet e reja teknologjike të cilat kanë hyrë në fuqi, përmes të cilave synohet siguria më e madhe në rrugë dhe identifikimi më i lehtë i veturave të cilat thyejnë rregullat e trafikut.