Një person ka rezultuar pozitiv me koronavirus sot në Komunën e Shtimes.
Komuna njofton se personi i infektuar është punonjës në Klinikën Infektive në Prishtinë.
“Personi i prekur është punonjës i Institucioneve Shëndetësore në Prishtinë, përkatësisht Klinikës Infektive, ndërsa numri i përgjithshëm i të prekurve në komunën tonë arrin në 19”, thuhet në njoftim.
Njoftimi i plotë:
Sipas rezultateve të publikuara nga Instituti Kombëtar i Shëndetësisë Publike të Kosovës (IKShPK), sontë në komunën e Shtimes, përkatësisht në fshatin Mollopolc është shënuar një rast i ri me COVID – 19.
Personi i prekur është punonjës i Institucioneve Shëndetësore në Prishtinë, përkatësisht Klinikës Infektive, ndërsa numri i përgjithshëm i të prekurve në komunën tonë arrin në 19.
Punëtorit të prekur nga COVID – 19 i urojmë shërim të shpejtë dhe se do të jemi pranë tij dhe të gjithë të prekurve në komunën e Shtimes.
Shtabi Emergjent me kujdes është duke përcjellur situatën dhe me këtë rast apelojmë edhe tutje për kujdes të shtuar, t’i zbatojmë masat e institucioneve lokale dhe qëndrore për mbrojtje nga COVID – 19.