image Humbi gjyqin me Johhny Depp, Amber Heard do t’i thotë të gjitha në një libër - Sinjali

Humbi gjyqin me Johhny Depp, Amber Heard do t’i thotë të gjitha në një libër

news image

Amber Heard është në bisedime për të shkruar një libër për të rritur të ardhurat e saj pas humbjes së gjyqit me ish burrin e saj, Johnny Depp, të cilit duhet t’i paguajë 8 milionë dollarë.

Një burim i afërt pohoi se aktorja 36-vjeçare nuk ishte në gjendje të refuzonte paratë pas situatës në të cilën ndodhet.

Ata thanë se aktorja e konsideron të përfunduar karrierën e saj në Hollywood dhe “nuk ka asgjë për të humbur” pas disa muajsh katastrofik.

Lajmi vjen pasi Heard pranoi përmes avokatit të saj se ajo nuk mund të përballojë dëmshpërblimin prej 8.3 milionë dollarësh që duhet t’i japë ish burrit të saj.

“Amber e konsideron karrierën e saj në Hollywood të përfunduar. Ajo tashmë është në bisedime dhe është e emocionuar për këtë. Në këtë pikë, ajo nuk ka asgjë për të humbur dhe dëshiron t’i tregojë të gjitha”, ka thënë burimi.

/GazetaSinjali/


Shpërndaje artikullin