Kryeministri i Kosovës, Avdullah Hoti ka thënë se sapo të hyjë në fuqi ligji i buxhetit do të bëhen pagesat nga Pakoja Emergjente Fiskale.
Përmes një postimi në Facebook, Hoti tha se Qeveria mbetet e fokusuar në luftën kundër COVID-19 dhe rimëkëmbjen ekonomike.
“Ministrat e resorëve ekonomik kanë marrë detyrat për të bërë përgatitjet për zbatim të masave për ndihmë të qytetarëve dhe bizneseve. Sapo të hynë në fuqi ligji i buxhetit do të nisim me pagesat e mbetura përgjysmë. Presim që Kuvendi të miratojë këtë javë edhe ligjin për rimëkëmbje ekonomike për të hapur rrugë për zbatim të të gjithë pakos për rimëkëmbje ekomomike”, ka shkruar Hoti./Gazeta Sinjali/