image Haradinaj: Të gjithë qytetarët, pavarësisht etnisë të jenë të përfshirë në një sistem unik energjetik

Politikë

Haradinaj: Të gjithë qytetarët, pavarësisht etnisë të jenë të përfshirë në një sistem unik energjetik

news image

Kryetari i AAK-së, Ramush Haradinaj përmes një postimi në faqen e tij zyrtare në Facebook, ka deklaruar se të gjithë qytetarët e Kosovës, pavarësisht etnisë, duhet të jenë të përfshirë në një sistem unik energjetik dhe t’i respektojnë rregullat e tregut, raporton Gazeta Sinjali.

“Kosovës ia siguruam pavarësinë energjetike që vite më parë dhe kjo falë përpjekjeve të vazhdueshme dhe aspak të lehta. Prandaj, qeveria e tanishme i ka pasur të gjitha predispozitat që nga fillimi i mandatit të saj, të përfshijë qytetarët e veriut të vendit, në sistemin energjetik të Kosovës, njëherësh që ata të paguajnë për shërbimet që i gëzojnë.”, tha Haradinaj.

Sipas tij, për këto arsye, çdo shtyrje e zbatimit të kësaj normative, jo vetëm që është e vonuar por edhe me kosto të papërballueshme.

“Çështjet teknike administrative nuk duhet të shndërrohen në probleme politike!”, tha ai.

Ky reagim i Haradinajt erdhi pas deklaratës së zëvendëskryeministrit Bislimi i cili tha se “Kosova ёshtё shumё afёr finalizimit tё dakordimit pёr nisjen e zbatimit tё udhёrrёfyesit tё energjisё, qё synon vendosjen nё binarё tё problematikёs sё furnizimit dhe pagesёs sё energjisё nё katër komunat nё veri tё vendit. Njё problem qё ёshtё krijuar, mirёmbajtur dhe trashёguar tutje nga tё gjitha qeveritё e deritanishme”.

/GazetaSinjali/