Pasi sot u raportua në media se i ngarkuari me punë në Ambasadën e Kosovës në Maqedoninë e Veriut Prindon Sadriu, burri i presidentes së Kosovës Vjosa Osmani – Sadriut, kishte marrë nga buxheti i shtetit afro 400 euro (396 euro e 80 cent) si rimbursim të pjesshëm të shpenzimeve për trajtimin e virusit COVID-19, kanë filluar talljet në rrjetet sociale.
Në Facebook dikush ka hapur një grup, në të cilin bëhet thirrje që të ndihmohet Sadriu.
“Ish-pjesëtari i Ushtrisë Çlirimtare të Kosovës, Prindon Sadriu po vuan nga një sëmundje e rëndë covid-19. Për shkak të dëmtimit serioz në mushkëri…”, thuhet në njërin nga shkrimet e postuara në këtë grup.
