Emisari special amerikan për dialogun Beograd-Prishtinë, Richard Grenell, mbërriti në Beograd këtë pasdite. Përpara takimit të nesërm me presidentin Aleksandar Vuçiq, ai ka thënë se presidenti i SHBA-së Donald Trump nuk do të lejojë që zgjidhja e marrëdhënieve Kosovë-Serbi të vonojë edhe shumë kohë nëse arrihet përparim.

Presidenti i Serbisë, ndërkohë, ka thënë se ai respekton entuziazmin dhe energjinë që amerikanët, përfshirë Grenell, investojnë në adresimin e çështjes, por se nuk do të shkojë aq lehtë.

Grenell erdhi në Beograd nga Prishtina, ku foli me udhëheqësit politikë shqiptarë të Kosovës dhe theksoi se tarifat duhet të hiqet dhe se Beogradi duhet të ndalojë lobimin për tërheqjen e njohjes së pavarësisë së Kosovës.

Ai tha se misioni i tij ishte të avanconte përparimin ekonomik, dhe se çështjet politike, para së gjithash, formimi i Qeverisë së Kosovës është përtej sferës së tij të interesit.

Njerëzit e biznesit dhe qytetarët e thjeshtë presin përparim, thotë ai.

“Këto janë gjëra që njerëzit në komunitetin ekonomik gjithashtu i dinë se duhet të ndodhin, njerëzit e dinë që duhet të ndodhë, por disa politikanë janë bllokuar në mënyrën e vjetër të të menduarit dhe duan të debatojnë për gjithçka. Ka një hapësirë të vogël dhe SHBA do të përqendrohemi në zgjidhjen e tij. Le të heqim tarifat, por unë gjithashtu do të insistoj që Serbia të ndalojë lobimin, ajo duhet të ndodhë në të njëjtën kohë. Mendoj se ne jemi afër për ta bërë atë”, tha Grenell. /Gazeta Sinjali/