Në spitalin e përgjithshëm në Gjakovë, janë të hospitalizuar 64 pacientë, prej tyre 29 pacientë janë me koronavirus, raporton Gazeta Sinjali.
Sipas statistikave që ka publikuar Spitali i Gjakovës, janë 35 pacientë që po presin rezultatet e testimit.
Bëhet e ditur se 15 pacientë janë me oksigjenoterapi, teksa një pacient është referuar për në Prishtinë për shkak të gjendjes së rëndë shëndetësore.
“Nga personeli kemi 3 mjekë dhe 1 staf të administratës me Covid pozitiv”, njofton tutje Spitali i Gjakovës, transmeton Gazeta Sinjali.
Gjithashtu u kërkohet qytetarëve të respektojnë masat kundër koronavirusit. /Gazeta Sinjali