Franca duhet të shesë pikturën e famshme “Mona Lisa” për 50 miliardë euro, për të shpëtuar ekonominë nga kriza e koronavirusit, ka sugjeruar një biznesmen francez.

Sipas mediave të huaja, Stephane Distinguin, 47 vjeç, themelues i kompanisë “Fabernovel”, propozoi që francezët të shesin “stolinë e çmuar të familjes” për të luftuar tendosjen ekonomike të shkaktuar nga pandemia.

“Si ndërmarrës dhe taksapagues, unë e di se këto miliarda nuk janë shpikur dhe se ato do të na kushtojnë domosdoshmërisht. Një refleks i dukshëm është të shitet një aktiv i vlefshëm me çmimin më të lartë të mundshëm”, ka thënë Distuingin./Gazeta Sinjali/