Sot, në orët e pasdites, ka ndërruar jetë në spital 85-vjeçarja nga Gjakova e cila ishte aksidentuar para disa ditësh në fshatin Berkoc, derisa ishte si pasagjere në veturën e një familjareje, raporton gazeta Sinjali.
Kështu kanë bërë të ditur për Sinjalin nga Spitali Rajonal i Gjakovës dhe kanë njoftuar se e moshuara vdiq përkundër intervenimeve të mjekëve, pasi e njëjta kishte pësuar lëndimeve të rënda trupore.
Nga 12 maji, kur ndodhi vetaksidenti, viktima ishte duke u trajtuar në repartin Kirurgjik, deri më sot, kur edhe ndërroi jetë.
Aksidenti që ndodhi atë ditë u shkaktua pasi shoferja e veturës nga pakujdesia, e kishte humbur kontrollin mbi veturë, me ç’rast kishte dalë jashtë rrugës, duke përfunduar në një deponi të mbeturinave.