Policia e Kosovës e ka arrestuar të dielën një person të dyshuar për sulm fizik ndaj një gruaje të moshuar në fshatin Lez të Prizrenit, raporton Gazeta Sinjali.
Policia njofton se i dyshuari R.F, i lindur në vitin 1966 është ndaluar në pikën kufitare në Merdare.
Ai dyshohet se së bashku me një person tjetër që gjendet në arrati, i kishin shkaktuar lëndime trupore një gruaje të moshuar.
“Të dyshimtit përdoren force ndaj viktimës, dhe u larguan nga vendi i ngjarjes. Viktima e ka raportuar rastin në polici, por nuk kishte njohuri mbi identitetin e të dyshimtëve. Të njëjtës fillimisht ju ofrua ndihma mjekësore dhe hetues të policisë filluan hetimet në bazë të deklaratës së viktimës, duke dhënë përshkrimin dhe veprimet e personave të dyshimtë”, njofton Policia.
Pas identifikimit të të dyshuarve, ata u shpallën në kërkim policor.