Një person po dyshohet se është prekur nga koronavirusi dhe se i njëjti është duke u trajtuar në Qendrën Klinike Universitare të Kosovës.
Rastin për Gazetën Sinjali e ka konfirmuar, zëdhënësi i QKUK-së, Shpend Fazliu, i cili tha se për këtë rast do të mbahet konferncë e jashtëzakonshme për media.
“Në ora 20:45 në QKUK, ministri i Shëndetësisë, Arben Vitia dhe drejtori i Institutit për Shëndetësi Publike do të mbajnë konfernecë të jashtëzakonshme për media”, tha Fazliu.
Kujtojmë se në Kinë, ku ky virus u shfaq për herë të parë, deri tani janë shënuar 723 viktima, ndërsa janë infektuar edhe 27 657 të tjerë. /Gazeta Sinjali/