Dy persona kanë pësuar lëndime trupore si pasojë e një aksidenti trafiku, i ndodhur para pak minutash te Katedralja në Prishtinë.
Lajmin për Gazetën Sinjali e ka konfirmuar zëdhënësi i Policisë së Kosovës, Daut Hoxha.
“Rreth orës 17:00, në Prishtinë te semaforët afër Katedrales, është shkaktuar një aksident trafiku, ku të përfshira kanë qenë 2 automjete. Raportohet për dy persona të lënduar, të cilët janë dërguar për trajtim mjekësor, ndërsa njësitet kompetente të policisë po kryejnë hetimet e nevojshme rreth shkaktarit të aksidentit”, tha Hoxha për Gazetën Sinjali.
Ndryshe, një sinjalizues i Gazetës Sinjali ka dërguar pamje nga vendi i ngjarjes. /Gazeta Sinjali/