Dy aksidente të njëpasnjëshme kanë ndodhur në rrugën magjistrale Mitrovicë-Prishtinë.
Mediumi lokal “Mitropol” raporton se të dy aksidentet kanë ndodhur në fshatrat e Vushtrrisë, më saktësisht afër Pestovës dhe Nadakovcit.
Në njërin nga dy aksidentet, vetura përfundoi jashtë rrugës, aksident ky ku ka edhe të lënduar të cilët u bartën drejt spitalit me autoambulancë.
Aksidenti i dytë u shënua mes dy veturash, por vetëm me dëme materiale.