Rrëmbimi i Kozakut dhe transmetimi live në Instagram më datë 23 shtator bëri bujë në rrjetet sociale. Një sherr mes tij dhe Fabio Dushkut i cili ndodhet në burgun e Koridhalos në Greqi, bëri që Kozaku të merrej peng poshtë shtëpisë së tij në zonën e Alliasit në Tiranë.
Më në fund Kozaku ka rrëfyer gjithë ngjarjen që i ndodhi, transmeton Sinjali.
“Edhe unë pata bërë pak gabim. E shava. Më hodhën një tritol te shtëpia dhe aty fillova të shaja dhe unë. Nisi grindje në Instagram, budallaqe me story, u kapëm kot. Më hodhën atë tritolin te shtëpia, si të shikosh nënën të qajë në shtëpi. Me atë kisha sherr dhe mendova që ma bëri ai. Fillova ta shaja dhe dola nga shinat. Bëra gabim dhe unë. Të rrëshket ndonjëherë këmba dhe nuk di çfarë bën. Dhe ai personi që kam sharë nuk ishte ndonjë kalama, ishte me pozita. Presioni ishte shumë i madh. Nuk ishte mirë të bëjë video se ajo ishte gjë koti.
Kur u mora peng doja veç të shpëtoja, nuk mendoja gjë tjerët, vetëm të lirohesha. Si të shohësh 13 veta që kanë ardhur për ty normal që ke frikë. Është gjëja më e keqe të të marrin peng. Isha në shtëpi. Kisha 1 muaj që më ruanin, por nuk më kapnin, me kamera nëpër makina, se nuk ishte kollaj që të kapesha. Ruhesha. Bëja lëvizje të kontrolluara. Kur ke famë…Edhe nuk ruhesha dhe e neglizhova situatën. Ishte ora 18:00, isha live, mora një taksi në telefon dhe i thashë dua të iki në studio të regjistroja këngën. Marr taksinë, e merrja përherë. Hipi në taksi mbrapa, atë ditë sikur e ndjeja.
I them ec shpejt se mos na marrin peng. Më del një grua që kam te lagjja, një grua me karrocë. Ajo më vonoi. Futem te makina dhe më ndaluan 4 makina, më bllokojnë poshtë shtëpisë edhe më marrin peng. U futa në peng, shumë presion i madh, shumë adrenalinë e madhe. Janë harxhuar 20 mijë euro të kapesha unë”, tha Kozaku në “Zonë e Lirë”.