Viktima të dhunës në familje në shumë raste janë edhe prindërit të cilët kërcënohen nga fëmijët e tyre. Një rast i tillë ka ndodhur edhe dje në Prizren, ku një burrë dhe një grua kanë denoncuar në polici djalin e tyre.
Sipas burimeve të Sinjalit djali dyshohet se i ka kërcënuar prindërit e tij duke u kërkuar ta lirojnë shtëpinë e tyre.
Të njejtat burime bëjnë me dije se i dyshuari në vazhdimësi kishte kërcënuar prindërit e tij. Por, siç duket ata janë lodhur nga djali i tyre dhe e kanë raportuar në polici.
Rasti në polici është cilësuar si ‘Kanosje dhe dhunë në familje’. /Gazeta Sinjali/