Vëllai i Kristinës dhe Zhanetës, të cilat dyshohet se u vranë nga Përparim Ademi në 31 dhjetor, thotë se dy motrat e tij kanë lindur mbi 10 fëmijë, të cilët më pas janë shitur në Greqi.
Sipas Bashkim Metanit, kishte një avokat që ndërmjetësonte shitblerjen e fëmijëve.
Ai thotë se motrat i treguan pak kohë para se të vdisnin. Sipas tij, nuk bëri denoncim sepse motrat insistonin për shkak të frikës.
Bashkimi tha se lajmin tragjik e mori nga djali i njërës prej motrave.
“Më telefonoi me video dhe më tha ‘I vrau! I vrau!’, pastaj mi tregoi me video motrat e vrara në tokë. Ishte e tmerrshme. Mora direkt motrën tjetër dhe pastaj policinë”, tha ai në TopChannel, transmeton Gazeta Sinjali.
Vrasja ndodhi në 31 dhjetor, pikërisht në katin e tretë të banesës së tyre, në zonën e Astirit. Viktimat janë Kristina Bardhi dhe Zhaneta Metani./Gazeta Sinjali/