Dje Gazeta Sinjali ka raportuar për një vjedhje në një dyqan në Viti, në sheshin “Njazi Ademi”.
Sinjali mëson prej burimeve se dyqani ku ndodhi vjedhja merret me shitjen e armëve.
Burimet tregojnë se sipas pronarit të dyqanit, është vjedhur një kasafortë në të cilën kanë qenë të vendosura rreth 12 armë dhe rreth 4 pako me municion 9 milimetra. Siç mësoi dje Sinjali, një punëtor i sigurimit ka raportuar se persona të panjohur u nisën nga parkingu i një ëmbëltoreje për ta kryer vjedhjen tek lokali.
Deri në këto momente vlera e dëmit nuk dihet porse rasti është duke u hetuar.
Vjedhja ka ndodhur dje në orën 15:14.
