Deputetja e Partisë Demokratike të Kosovës, Ganimete Musliu ka fajësuar qeverinë për fshehje të rezultateve të 26 personave që rezultuan pozitiv me koronavirus mbrëmë.
Edhe pse përgjegjës për publikimin e rezultateve të analizave për koronavirus ëshë Instituti Kombëtar i Shëndetit Publik, Musliu ka fajësuar qeverinë se i ka fshehur rezultatet deri pas konferencës së presidentit.
Musliu në postimin e saj në Facebook, ka ngatërruar shifrën e të infektuarve me COVID-19 duke e zvogëluar atë nga 26 në 21.
“Qeveria duhet të jetë transparente me të dhënat e të infektuarve me koronavirus dhe mos t’i perdorë shifrat politikisht siç bëri mbrëmë në mesnatë pas konferencës së Presidentit duke publikuar 21 raste që po mbaheshin msheft”, ka shkruar Musliu./Gazeta Sinjali/