Shumë shtete të botës kanë mbyllur kufijtë e tyre si masë parandaluese për përhapjen e pandemisë së COVID-19.
Kjo pandemi ka shkaktuar një tronditje të madhe për të gjithë linjat ajrore në të gjithë botën.
Shoqata Ndërkombëtare Ajrore shprehet se janë anuluar mbi 2 milionë fluturime ndërkohë që parashikohet që industria të humbasë 252 miliardë në 2020.
Linjat ajrore amerikane i kanë kërkuar qeverisë një fond prej 12 miliardë dollarësh që t’i bëjnë ballë pandemisë së COVID-19.
Vetëm javën e kaluar Kongresi amerikan ka vënë në dispozicion 50 miliardë dollarë për linjat ajrore, gjysma e së cilave në formën e granteve dhe pjesa tjetër në formën e huasë./Gazeta Sinjali/