image Cakërrimi i gotave me Haradinajn, Kurti: Mendoj se bëra mirë, aty është shkruar historia

Politikë

Cakërrimi i gotave me Haradinajn, Kurti: Mendoj se bëra mirë, aty është shkruar historia

news image

Kryeministri i Kosovës, Albin Kurti, është përfolur shumë për një dolli që e ka ngritur me kryetarin e AAK-së, Ramush Haradinaj, në kullën e familjes së këtij të fundit për Epopenë e Dukagjinit.

Kurti ka thënë se do të ishte gabim po të mos “cakërronte gotat” me të zotin e shtëpisë, Haradinajn.  

“Nëse e ka fjalën për atë dollinë me kryetarin e AAK-së, ajo ishte në 25 vjetorin e Epopesë së Dukagjinit. Pra ishte një situatë e jashtëzakonshme. E aty zoti Haradinaj, që ka qenë edhe pjesëmarrës në luftë, ishte edhe i zoti i shtëpisë. Unë kam mundur edhe të mos shkoj por mendoj e do të ishte gabim. Nëse kam shkuar, atëherë është gabim nëse nuk cakërroj gotat”, tha ai në Dukagjini.

“Unë mendoj se kam bërë mirë pasi aty është shkruar historia”, shtoi ai.

/GazetaSinjali/