Një bujk ka ngarkuar sasi të madhe të kashtës në automjetin e tij, pa ndonjë mbulojë ose rrethojë prapa, duke rrezikuar kështu pjesëmarrësit e tjerë në trafik, shkruan Gazeta Sinjali.
Derisa po kalonte me automjet me targa 04- 632 – ID në rrugën Prizren – Gjakovë, në afërsi të fshatit Bishtazhin automjeti i tij është fotografuar nga një sinjalizues, i cili e ka dërguar fotografinë në adresë të Gazetës Sinjali.
Përveç mungesës së mbulojës, sasia e madhe e kashtës të cilën ai e ka ngarkuar mbi automjet rrezikon të rrëzohet në rrugë, duke cenuar kështu sigurinë e pjesëmarrësve të tjerë në trafik.
Vazhdoni të denonconi kundërvajtjet në Gazetën Sinjali, në mënyrë që të kontribuojmë sadopak që rregullat në trafik të respektohen./Gazeta Sinjali/