Agjencia e Statistika të Kosovës ka publikuar të dhënat e Bruto Produktit Vendor (BPV) për vitin 2019, sipas aktiviteteve ekonomike dhe me qasjen e shpenzimeve bazuar në Sistemin Evropian të Llogarive (ESA 2010), shkruan Gazeta Sinjali.
ASK njofton se BPV kishte rënie në art, zbavitje dhe rekreacion për 38.8%.
Rritja reale në vitin 2019 në krahasim me vitin 2018 ishte 4.94%, kurse BPV-ja për kokë banori për vitin 2019 ishte 3 mijë e 986 euro.
“Rritje të Bruto Produktit Vendor gjatë vitit 2019 kishte në aktivitetet ekonomike si: aktivitetet financiare dhe të sigurimit për 12.1%, eksporti i shërbimeve për 20.8%, importi i shërbimeve për 19%, administrimi publik dhe i mbrojtjes, sigurimi i detyrueshëm social për 9.2%, bujqësia, gjuetia, pylltaria dhe peshkimi për 8%, furnizimi me energji elektrike dhe me gaz për 6.5%”, thuhet ndër të tjera në njoftimin e Agjencisë së Statistikave./Gazeta Sinjali/